Fferm Ffactor – y wobr y mae pob ffermwr am ei hennill
Mae’r gystadleuaeth y mae pob ffermwr yn breuddwydio am ei hennill bron a chyrraedd ei uchafbwynt ar S4C, mewn cyfres sy’n llawn cyffro, drama, emosiwn a sialensiau difyr.
Y nod yw ennill teitl Fferm Ffactor 2011 a’r wobr fawr - cerbyd 4x4 Isuzu Rodeo Denver Max - ond i godi’r tlws a gyrru’r car, bydd yn rhaid plesio dau feirniad llym dros gyfnod caled o gystadlu.
Ond, mae’r tri sydd ar ol yn y gystadeluaeth – Malcolm Davies o Ben Llyn, Aled Roberts o Llanrheadr-y-Mochnant a Sam Carey o Rhoshill, ger Aberteifi angen eich help chi, y gynulleidfa.
Eu tasg yr wythnos yma yw creu hysbyseb i hybu amaeth yng Nghymru fydd yn cael ei roi i fyny ar dudalen www.facebook.com/ffermffactor ar ol y rhaglen (9pm, Tachwedd 23), ac mae angen i CHI bleidelisio drwy glicio ‘hoffi’ ar eich hoff hysbyseb.
Bydd y pleidleisiau yn cael ei cyhoeddi yr wythnos ganlynol yn rhaglen olaf y gyfres pan gawn wybod pwy yw ennillydd Fferm Ffactor 2011.
top printiwch