Neuadd Clwyd / Morgannwg (Hen Neuadd Fwyd)
Hen Bethau ~ Gosod Blodau ~ Anrhegion ~ Cynnyrch a Gwaith Llaw
 |  |
Mae’r sioeau Cynnyrch a Gwaith Llaw a Gosod Blodau wedi’u hadleoli i Neuadd Clwyd Morgannwg ar gyfer 2011. Bydd dros 500 o arddangosion ardderchog i’w gweld. Bydd Stiwardiaid yn bresennol hefyd i ateb eich cwestiynau ar y dewis o grefftau a arddangosir.
Y thema gyffredinol ar gyfer y gystadleuaeth Gosod Blodau yw “Croeso tymhorol”, bydd dros 70 o drefniadau o fewn saith dosbarth yn cael lle amlwg.
 |  |
Bydd yr adran Gynnyrch yn cynnwys eitemau megis melysion Nadolig, mins-peis, canapes ar gyfer parti coctel Nadolig, a theisennau cwpan Nadolig wedi'u haddurno ymhlith yr eitemau ar y fwydlen, tra bydd dosbarthiadau i blant yn eu herio i greu craceri Nadolig bwytadwy, hosan Nadolig bwytadwy neu iglw bwytadwy. Digonedd o syniadau i’r rheini sy’n chwilio am ysbrydoliaeth y Gwyliau yma!
Bydd Ffeiriau Hen Bethau Two C’s yn bresennol gyda dewis anarferol o anrhegion Nadolig neu drît hunanfaldodus ar gyfer ein hymwelwyr. Bydd ymwelwyr yn gweld wynebau cyfarwydd yn cynnig hen bethau sydd o safon ond yn fforddiadwy, yn cynnwys gemwaith, dodrefn, blancedi, tsieina Cymreig, arian, porslen, gwydr, Beswick, ayb., a gellir cysylltu â nhw drwy Ffeiriau Hen Bethau Two C's ar 01544 267481.
Bydd stondin y “Siop Flodau” o’r Stryd Fawr, Llanfair ym Muallt wedi’i lleoli yn y cyntedd yn gwerthu amrywiaeth o fanion bethau sydd a wnelo â blodau, gemwaith ac anrhegion.
House of Sugar – Mrs J McGough
Yn chwilio am rywbeth ar gyfer teisen ddathlu? Dewch i weld casgliad House of Sugar o addurniadau bwytadwy - anifeiliaid, blodau ac wrth gwrs, lawer o bethau ar gyfer y Nadolig. Arddangosiadau trwy gydol y dydd o stensiliau dur gloyw i addurno teisennau– y ffordd hawsaf erioed o ychwanegu’r cyffyrddiad olaf at eich teisen.
Felly gwnewch yn siŵr eich bod yn cofio ymweld â Neuadd Clwyd / Morgannwg!
top printiwch
